-
Kërko
Kur forma kthehet në magjepsje. Audi A5 Sportback.
Një moment i shkurtër. Sa hap e mbyll sytë. Për më gjatë nuk ka nevojë për të zgjuar entuziazëm. Një vështrim në Audin A5 Sportback mjafton për ta kuptuar: Ky është momenti i duhur. Ai mishëron sintezën e përsosur të projektimit të veçantë, efikasitet mbresëlënës dhe sportivitet dinamik. Dhe ofron cilësi të lartë në çdo detaj. Një kupe krejtësisht e rinovuar.
A5 Sportback Galeria-Multimedia
Emocionues dhe modern Karakteristikat e A5 Sportback
Bujar dhe inovativ. Pjesa e brendshme e Audit A5 Sportback.
Timoni sportiv me veshje lëkure si pjesë standarde e makinës, me tre ndarje, përshtatet shumë mirë me duart tuaja, njësoj si leva e marshave apo pjesa e çelësit, të projektuar ergonomikisht me veshje lëkure. Katër ose në mënyrë opsionale pesë ndenjëse ofrojnë komfort si dhe mbështetje të qëndrueshme. Nëse dëshironi, mund të zgjidhni edhe ndenjëset e ventiluara ose me ngrohje nën rehatinë e një klime të kontrolluar. Një shumëllojshmëri zgjedhjesh për tapicerinë i jep pjesës së brendshme më shumë larmishmëri dhe veshja opsionale me lëkurën Feinnappa ofron edhe më shumë komoditet qëndrimi. Jashtëzakonisht shumë hapësirë edhe në pjesën e pasme: për udhëtime të qeta edhe në rrugë të gjata. Edhe hapësira bujare e bagazhit me një gjerësi ngarkimi prej 1,000 mm është jashtëzakonisht variabël. Me anë të formës asimetrike të ndenjëseve të pasme që palosen, volumi i ngarkesës mund të shkojë nga 480 deri në 1.283 litra.
Pamje e sigurt. Elegancë sportive. Pjesa e jashtme e Audi A5 Sportback.
Nga pjesa e pasme e zgjatur, e punuar në formë tredimensionale, dizajni i bën jehonë formës klasike të një makine me dy dyer. Linjat e mprehta dalluese i japin mjetit më shumë veçanti dhe peshë. Çatia e mjetit shtrihet elegante mbi dyert pa kornizë, linja sportiv thekson rrotat e mëdha. Linja elegante dhe e fuqishme mbi çatinë e Audi A5 Sportback përfundon në pjesën e pasme të sheshtë, duke e bërë më të theksuar. Sidomos dritat e pasme të hipnotizojnë: Ato janë lidhja optike mes pjesës anësore dhe parakolpit. Me interes të veçantë, janë fenerët opsionalë Xenon plus me dritat e ditës të integruara në teknologjinë LED.
Perfeksion deri në detajin më të vogël. Pajisjet e Audit A5 Sportback.
Pajiseni makinën tuaj A5 Sportback me karakteristika ekspresive. Me sistemin opsional navigacional MMI plus, ju nuk do të humbni asgjë nga objektivi juaj. Komandimi bëhet në mënyrë intuitive nëpërmjet butonit MMI me pjesë të integruar ose opsionalisht me zë. Ndër të tjera, ajo ka një ekran me cilësi të lartë 7-inç me ngjyra, hartë 3D dhe një hard-disk për muzikën dhe materialet tuaja. Bashkë me Audi connect përfshirë edhe telefonin në makinë është në dispozicion edhe një Hotspot -WLAN. Përveç kësaj, ju mund të përdorni një shumëllojshmëri të shërbimeve të mundësuara nga Audi connect.
