I shkathët I manovrueshëm. Sportiv.

Drejtimi dinamik me të gjitha rrotat
Manovrim sportiv me stabilitet maksimal: dy të kundërta, të kombinuara në sistemin e drejtimit dinamik me katër rrota që vjen si pajisje opsionale.  Në aksin e përparmë funksionon një sistem drejtimi dinamik, ingranazhi harmonik i të cilit ndryshon përçueshmërine e tij në varësi të situatës së udhëtimit. Me shpejtësi të ulët, rrotat e pasme kthehen në drejtim të kundërt me rrota të përparme, duke rritur shkathtësinë e A6 Avant dhe duke reduktuar rrezen e kthesës deri në 1,1 metra  çka bën që manovrimi të jetë i lehtë edhe me gati pesë metra gjatësi para. Në shpejtësi mesatare dhe të lartë, rrotat e përparme dhe të pasme kthehen në të njëjtin drejtim, çka rrit stabilitetin dhe i jep Avantit edhe në një ndryshim të menjëhershëm të korsive, një qetësi sovrane. Për një udhëtim të sigurt dhe më shumë rehati për pasagjerët.

Katër konfigurimet e amortizimit
Audi ofron katër variante të konfigurimit të amortizatorëve: amortizim tradicional me susta çeliku,  amortizim sportiv, amortizim me rregullator lartësie dhe amortizimin me ajër adaptive air suspension, po ashtu me ulje të kontrolluar. Sidomos ky i fundit i jep A6 Avant një nivel të lartë komforti udhëtimi e manovrim sportiv dhe mund të përshtatet në mënyrë optimale me stilin e drejtimit e kushtet e rrugës nëpërmjet Audi drive select optimal. Komfort  i relaksuar ose sportiv i qëndrueshëm: E vendosni ju.