-
Kërko
Kabina e epokës së re Koncepti i funksionimit të Audi A7 Sportback.
E pastër, e integruar dhe e unifikuar në mënyrë të përsosur: Ekranet HD me prekje MMI High 10,1 dhe 8,6 inç touch response e integruar në mënyrë të përsosur me kroskotin i japin konceptit të funksionimit progresiv nivelin që meriton. Drejtuesi i automjetit kontrollon sistemin e infoargëtimti në ekranin e sipërm. Ekrani i poshtëm ofron qasje në funksionet e ajrit të kondicionuar, komforit dhe shkrimit të tekstit.
Funksionim si me prekjen e një butoni.
Më pak çelësa, më tepër besueshmëri: Koncepti revolucionar MMI me touch response ofron avantazhet e kontrollit të thjeshtë dhe intuitiv të smartfonit dhe falë fidbekut haptik, mund të përdoret me siguri gjatë drejtimit të automjetit. Pikërisht ky është avantazhi kryesor i teknologjisë MMI touch response: nëse gishti juaj prek ekranin, ai nuk aktivizon menjëherë një funksion, për këtë, ju duhet ta shtypni lehtë. Vetëm kështu ju do të merrni një impuls mekanik konfirmues, të shoqëruar nga një tingull klikimi. Për një fidbek të qartë. Dhe një udhëtim të qartë.
Hartat à la carte
Harta e duhur për çdo situatë: Ruani një gjurmë të gjithçkaje me ekranin klasik të lundrimit 2D ose zbuloni hapësirën që keni përreth nëpërmjet pamjes së hartës 3D me modelet City ose pamje satelitore të Google Earth, duke përfshirë informacion për terrenin, emrat e rrugëve dhe informacion më të zgjeruar për vendet e interesit.
Dëgjoni fjalën
Tek Audi A7 Sportback i ri, ju keni mundësinë të përdorni funksione të shumta nëpërmjet kontrollit zanor. Kjo bëhet e mundur me anë të ndërveprimit me gjuhës natyrale, një asistent inteligjent gjuhësor që vjen si pajisje opsionale, i cili kupton shprehje nga gjuha e përditshme. Thojini navigatorit tuaj se ku do të shkoni, diktojini shkrimin e një mesazhi apo ndryshoni stacionin e radios. Gjithçka në një gjuhë natyrale dhe pa u dashur që të hiqni duart nga timoni.
Zëri përreth i cilësisë maksimale
Ktheni Audin tuaj në një sallë koncerti: me sistemin opsional të avancuar të zërit Bang & Olufsen me tinguj 3D përpara dhe mbrapa, 19 altoparlantë dhe 1.820 vat krijohet një atmosferë e shkëlqyer zëri tek të gjitha sediljet. Bokset e fshehur në kolonën vertikale krijojnë një skenë zanore veçanërisht spaciale. Lentet akustike me shtrirje automatike në panelin e instrumenteve premtojnë një riprodhim zëri të detajuar. Dhe për më tepër, kutitë e posaçme të privatësisë sigurojnë që edhe telefonatat private të bëhen nëpërmjet thirrjeve telefonike pa duar.
Klima dhe komforti sipas dëshirave tuaja
Sistemi opsional i kondicionimit të ajrit me katër zona ofron një kontroll individual të klimës në të gjitha sediljet. Sensorët inteligjentë detektojnë pasagjerët dhe përshtatin kondicionimin e ajrit sipas nevojave të tyre personale. Krahas kësaj, filtrat e veçantë reduktojnë grimcat e vogla dhe alergjenët dhe përmirësojnë ndjeshëm klimën e brendshme. Me paketën opsionale Air Quality, cilësia e ajrit rritet edhe më tepër: me dy aroma dhe një jonizues ajri që mund të reduktojë lodhjen e rrit vigjilencën.
