-
Kërko
Maksimizim i dinamikës.
Audi S8 plus është projektuar për performancë maksimale. Motori 4.0 TFSI i zhvilluar më tej arrin 445 kW (605 KF) dhe përshpejton limuzinën sportive nga 0 deri në 100 km/h në vetëm 3,8 sekonda - kulmi i klasës së lartë.
Motori 4.0 TFSI tek Audi S8 plus
Motorin 4.0 TFSI e kanë zhvilluar më tej inxhinierët e Audit për Audin e ri S8 plus. Agregati kumbues V8 biturbo tani ofron 445 kW (605 KF) dhe xhiro maksimale deri në 750 Nm. Me fuqinë e rritur me 63 kW (85 KF), arrin nga 0 deri në 100 km/h në 3,8 sekonda. Shpejtësia maksimale e rregulluar elektronikisht në 250 km/h mund të çohet deri në 305 km/h.
Këto vlera të larta, Audi dhe quattro GmbH i kanë arritur me ekspertizën e tyre të kombinuar në zhvillimin motorik. Masat paraprake tek 4.0 TFSI variojnë nga kontrolli specifik i motorit në xhiro, rritja e presion mbi valvulat e modifikuara e deri tek gjeometria e brendshme e optimizuar e turbos.
Sistemi motorik
Fuqia e V8 me performancë të rritur dallohet në sistemin tiptronic me tetë marsha në atë quattro, përfshirë diferencialin sportiv. Ndër tiparet e shasisë përmendim funksionin adaptive air suspension sport dhe drejtuesin dinamik. Ekspertët i kanë vendosur të dyja funksionet posaçërisht tek S8 plus. Në Austri në mënyrë opsionale, posaçërisht për S8 plus, gjenden disqet 21 inç me goma të madhësisë 275/35.
Rritja e kufirit të shpejtësisë në 305 km/h është pjesë e paketës dinamike dhe gjendet si opsion shtesë në Austri. Përveç frenave të përforcuara me fibër karboni në gri antracit dhe mbishkrimit me qeramikë "Audi", këtu përfshihet një sistem sportiv i modifikuar shkarkimi nga quattro GmbH. Ai i jep S8 plus një tingull të veçantë V8 sportiv të dallueshëm.
