Përshtatësi iPod+C80

Kështu, ju do të keni gjithmonë mijëra këngë në Audin tuaj: Me anë të përshtatësit iPod, ju mund të komandoni Apple iPod rehatshëm si të ishte një ndryshues CD. Ndryshoni këngët dhe playlist-at nëpërmjet radios ose timonit opsional multifunksional të Audi A3, Audi A4 Cabriolet ose Audi TT.

Përshtatësi iPod është i lidhur me kontrollin e ndryshuesit të CD dhe për këtë arsye njihet nga radioja apo pajisja e navigimit si një ndryshues CD. Kontrolli i titujve të iPod është i ngjashëm me funksionimin e një ndryshuesi CD nëpërmjet butonave të radios ose të sistemit të navigimit plus me logjikën operative MMI. Funksionimi i njëkohshëm i ndryshuesit të CD dhe përshtatësit iPod nuk është i mundur, duke qenë se të dy përdorin të njëjtën portë në radio.

Playlist-at ekzistuese në iPod identifikohen si CD dhe shfaqen si CD1-CD5 në funksionin e ndryshuesit të CD. Si CD6 futen të gjithë titujt e ruajtur në iPod. Ndërsa informacionet e ruajtura në iPod për artistët, titujt, albumet dhe zhanret muzikore nuk mund të përpunohen nga përshtatësi iPod.

Në ekranin e radios apo të sistemit të navigimit plus me logjikën operative MMI funksionojnë playlist-at aktuale, titulli dhe përsëritja e titullit.

Lexues kompatibël

Në adaptorin e përshtatësit iPod mund të lidhen iPods me Dock Connector, në një prizë të sheshtë 30-pol. Nëpërmjet adaptorit furnizues lidhen fort iPods të ndryshëm në përshtatës. Modelet iPod pa një Dock-Connector, p.sh vetëm me një USB ose lidhje Firewire nuk mund të lidhen. Informacion më të saktë në lidhje me modelet kompatibël të iPod, mund t'i gjeni pranë partnerit tuaj Audi.