-
Kërko
Fytyra e re e familjes Q: Audi Q8
Dizajni ekspresiv, teknologjia pioniere dhe arti i përmbushjes së kërkesave më të larta - Audi Q8 i ri kombinon gjithçka për të cilat kjo markë karakterizohet. Pamja e tij sportive pasqyron Ur-quattro dhe, me Singleframe të re në dizajnin drejtkëndor, tregon po ashtu qartazi të ardhmen. Hapësira e brendshme e SUV-Coupé me katër dyer ka një karakter Lounge: i gjerë, luksoz, tepër i ndërlidhur. Këtu, sistemet operative inteligjente dhe navigimi i teknologjisë së lartë ju çojnë në epokën dixhitale, nga MMI touch response tek kontrolli nëpërmjet zërit. Amortizatorët dhe sistemi i drejtimit japin gjithashtu superioritet shkathtësie - nëse është e nevojshme, edhe jashtë rrugëve të asfaltuara.
Shënim: Ky model nuk është ende i konfigurueshëm.
Karakteristikat e Audit Q8
Një vështrim i ri: Dizajni i pjesës së jashtme
Me Singleframe imponues me dizajn tetëkëndor, Audi Q8 paraqet anëtarin e ri të familjes Q. Grila e fuqishme qëndron vertikalisht dhe në kombinim me spoilerin e përparmë dhe hapësirat me konture të mëdha të ajrit, ka një pamje plot vetëbesim. Linja elegante e kabinës me pjerrësi drejt kolonave D dhe që zbret e mbështetet në quattro-Blister mbi parafango nën të cilat rrota mund të jetë me madhësi deri 22 inç. Shiriti i dritës së vazhdueshme në pjesën e pasme është e fshehur me zona të zeza.
Përvojë sportive lëvizjeje:
Dinamika e udhëtimit
Tek Audi Q8 jeni gjithmonë sportiv, dinamik dhe efikas në rrugë: Diferenciali i tij qendror thjesht mekanik i drejton forcat në mënyrë të paracaktuar në raportin 40:60 në aksin e përparmë dhe të pasmë. Nëse është e nevojshme, ai dërgon shumicën e peshës në aksin me tërheqje më të mirë. Përveç drejtimit progresiv standard, transmetimi i të cilit bëhet më i drejtpërdrejtë me rritjen e këndit drejtues, Audi ofron po ashtu një opsion me katër rrota si alternativë. Ju mund të komandoni rrotat e pasme deri në 5 gradë - në drejtime të kundërta me shpejtësi të ulët për të rritur aftësinë manovruese, në të njëjtin drejtim për të rritur stabilitetin kur jeni me shpejtësi të lartë. Dhe në sajë të teknologjisë së re Mild-Hybrid (MHEV) ai është edhe efikas.
Qartësia është premiumi i ri:
Ambienti i brendshëm
Hyni dhe ndihuni mirë! Falë gjerësisë së tij prej dy metra, Audi Q8 ofron një ndjesi hapësire bujare për një SUV coupé. Dizajni i reduktuar, elegant, ndenjëset e konturuara individualisht me funksionin e masazhit dhe ventilimit, kontrolli automatik i klimës me katër zona dhe paketa Air Quality theksojnë edhe më tepër ambientin fisnik.
Rrjetëzimi i zgjuar
Audi Q8 është i pajisur si standard me sistemin më të mirë të infoargëtimit MMI Navigation plus. Ai integron modulin e transmetimit të të dhënave Audi connect me standardin LTE Advanced si dhe një Hotspot WLAN. Shërbimet online të Audi connect mundësojnë planifikimin e rrugës me prospektivë. Një kontroll inovator me anë të zërit bën të mundur marrjen e funksioneve të shumta nga drejtuesi në mënyrë të sigurt dhe të menjëhershme. Kjo e bën Audin Q8 një partner dialogues inteligjent.
Ndriçimi i ambientit
Në errësirë, drita e lehtë opsionale e kontureve rikthen linjat e mrekullueshme të dizajnit në ambientet e brendshme dhe ndriçimi tredimensional me lazer quattro-Badge mbi mbështetësin e dorës - një shembull i dedikimit ndaj detajeve nga Audi.
Identiteti: Dritat
Si standard, rrugën e Audi Q8 të ri e ndriçojnë dritat LED dhe teknologjia HD Matrix LED është në dispozicion sipas kërkesës. Për një përvojë vizuale opsionale, madje edhe para se të hipni, mund të përdorni aplikacionin myAudi për të aktivizuar shumë funksione ndriçimi me një smartphone kompatibël dhe kështu do t'i përjetoni ato nga jashtë.
Ndriçimi: Teknologjia e dritës
Tek Audi Q8 i ri, dritat e reja LED vijnë si pajisje standard. Dritat opsionale HD Matrix LED sigurojnë ndriçim më të saktë dhe me rezolucion më të lartë të rrugës. Automjetet që vijnë përballë dhe ato që ju parakalojnë pikasen brenda kufijve të sistemit dhe fshihen në mënyrë që zonat e tjera midis dhe pranë tyre të vazhdojnë të ndriçohen plotësisht. Shpërndarja aktive dhe dinamike e dritës arrihet si në sferën e rrezeve të ulëta dhe atë të rrezeve të lartë pa komponentë mekanikë duke aktivizuar dhe çaktivizuar segmente individuale të dritës. Kjo teknikë jo vetëm përmirëson ndriçimin e rrugës, por krijon më shumë siguri dhe rehati. Diferenca mes rrezes së ulët tradicionale dhe rrezes së lartë është pothuajse e padukshme.
Më shumë siguri
Për parkim, udhëtim në qytet apo në distanca të gjata - Audi Q8 mbështet drejtuesin e tij në shumë situata. Këto përfshijnë asistentin përshtatës, asistentin e efikasitetit, asistentin e ndalimit, paralajmërimin për ndryshimin e korsisë, paralajmërimin e frenimit dhe kamerat e ambientit. Mbas këtyre karakteristikave qëndron njësia qendrore e kontrollit të asistencës së drejtuesit. Ajo përllogarit vazhdimisht një imazh të diferencuar të mjedisit dhe komandon sistemet e asistencës në bazë të kësaj përllogaritjeje. Në varësi të pajisjeve, të dhënat merren nga deri në pesë sensorë radarë, gjashtë kamera, dymbëdhjetë sensorë me ultratinguj dhe skaner lazer. Në fillim të vitit 2019 do të jenë në dispozicion edhe asistentë shumë novatorë, si Audi Remote Parkpilot dhe Garagenpilot.
Tradita plotëson inovacionin
Një vështrim i fundit në pjesën e pasme të Audi Q8 të ri konfirmon edhe një herë përshtypjen e parë: SUV Coupé sjell nëpërmjet linjave elegante dhe kontureve të qarta një prezencë unike që simbolizon gjithashtu cilësinë e lartë dhe dinamizmin. Dizajni ekspresiv me karakteristikat e Audi Ur-quattro. Audi i ri Q8.
* Sistemet e asistencës ose teknologjitë e automatizuara të përshkruara këtu janë ende në zhvillim e sipër dhe nuk janë në dispozicion në automjetet e prodhimit në seri. Në shumicën e vendeve automjeti i pilotuar/automatizuar nuk është i autorizuar ligjërisht ende për përdorim në rrugë publike. Ju lutemi, kini parasysh se në përgjithësi, sistemet e ndihmës mund ta mbështesin drejtuesin vetëm gjatë detyrës së drejtimit brenda kufijve të sistemit përkatës. Përgjegjësia dhe vëmendja e nevojshme për realizimin e detyrës së drejtimit i mbetet gjithmonë drejtuesit.
